猫とワタシ

FLy to high wiz NewS

進むべき 道は自分で そうさ 自分の意志で 決めればいい

この記事のみを表示するスポンサーサイト

スポンサー広告

上記の広告は1ヶ月以上更新のないブログに表示されています。
新しい記事を書く事で広告が消せます。

この記事のみを表示する精彩兩日遊

生活日記

呢個周末真係好BUSY
BUSY到連俾我訓餐飽嘅機會都無
朝朝都神七咁早起身出發……


星期六……偷油XD


公司年尾搞旅行成廿人一齊去浸從化溫泉
前一日俾人點做阿四去繽繽入咗百二蚊貨
第朝變身做咕哩羅住兩大袋嘢去搭地鐵囧
去到集合地點之後收到風話綱線頭阿巫周身骨痛唔去反全世界係到歡呼(噗)
即係話大家可以盡情咁顛la
呢次目的地係佛岡聚龍灣溫泉
五星級溫泉旅館第48國際小姐外景拍攝地之一
呢度環境唔錯……感覺都唔錯
不過一諗翻起上次依然囧囧有神
講就話唔錯,不過重點係……………………我無落水
我唔慣同D唔係熟人嘅人玩D咁嘅嘢(嘢?!)
SO我就同小雲兩個去咗浸腳!真舒服~~~~
浸完之後周圍轉咗幾個圈
呢度有好多個池俾大家揀
所以就算好多人但其實都唔會話逼爆
而且仲見到好多情侶係到LOVE LOVE

吃完中午果餐我地去咗休息室到訓覺
果度有好多KING SIZE嘅梳發俾人休息吃茶點
一早起身眼訓到死……啱曬
醒咗之後終於到咗結束時間!!
等人&坐車回程果陣不斷俾個死導遊問長問短
佢真係唔識個死字點寫
咁抵死嘅人等我放冷戰射瓜佢
有問題就翻屋企問你媽媽la




星期日……吃!吃!吃!


阿公成日聽佢班茶友講話番禺吃海鮮平靚正所以心思思想去
做後生嘅呢日全體集中玩佢老人家心願帶佢吃兼遊廣州
姨丈開車帶路去咗番禺大橋腳果間唔知乜鬼漁村到吃
一落車一入門口我就知呢度唔對路
無一千幾百你都唔洗旨意落翻
房間最低消費
最衰阿公又唔知佢班茶友講嘅係邊度
唔係嘅話就唔洗俾人點啦|||
茶位都要6蚊……搶錢
最激气就係姨丈講果句說話:反正係你阿公找數嘅關我事
你老味味味味味味…
成日話自己識吃……帶我地嚟D咁嘅地方
廣州人叫為止識吃啊?
抵吃夹大件啊!!!!係味道一般嘅情況下講碟頭唔重要係廢話
最煩就係要一味奉承佢講嘅嘢%方死佢唔肯咁
結果呢餐吃得好溶……難為俾錢果個

之後開車帶阿公去咗小洲村行
行咗唔夠半個鍾個個都叫走……超超超超超超無癮
陳SIR介紹果D地方我都無睇到!!!!!!
阿媽話去旅行千祈咪同呢D人去
除咗個簡氏祠堂之外我印象都無
無計……唯有下次有機會再去
反正我地屋企附近都有車直達


再之後我地開車帶阿公去左員村果邊睇下
阿公成日話佢係果度留低咗好多腳毛
點知今日重新經過果D地方佢已經唔認得lu
好多地方都拆曬或者翻新過……
D大人係旁邊指手劃腳咁討論呢度以前係乜果度以前又係乜
我開玩笑同阿公講:你D腳毛已經無曬la


晚去咗會所到打邊爐
自助火鍋一人一煲慢慢吃……
我未試過咁樣打邊爐!!好得意
唔挑剔嘅話食材其實都OK多嘢吃
而且仲有雪花肥牛同小肥羊添
當然唔係最好果只不過味道都唔錯!!
而且先49蚊位……好抵吃XDDDD
但啱開動果陣姨丈講咗D搞到阿媽好無FACE嘅話激到阿媽跳起
翻嚟果陣佢老人家一味係到同我呻
汗……呢條友真係俾面唔要面尊卑不分
對佢真係無嘢好講
講多都曬氣……
下次咪鬼睬佢吃多兩碟肥羊補數好過啦

コメントの投稿

secret

トラックバック

この記事のトラックバックアドレス

→この記事にトラックバックする(FC2ブログユーザー)
上記広告は1ヶ月以上更新のないブログに表示されています。新しい記事を書くことで広告を消せます。